أطلق عدد من رواد موقع تويتر حملة للمطالبة بالحداد على أرواح ضحايا الهجوم الذي تعرضت له قوات حرس الحدود المصرية، عند كمين نقطة الكيلو 100، الواقع بين واحة الفرافرة والواحات البحرية، في محافظة الوادي الجديد بين مصر وليبيا وجاءت الحملة بعنوان "الحداد فين يا قنوات العار":
@rosettanaya العار هو ما يعرض علينا من دعارة، علاقات محرمة، سرقة، كذب، خداع....الخ. هل من مجيب.. ماذا استفاد المشاهد؟!!!
@naglaaelzogby شاره سودا والطبل والزمر والمسلسلات شغال عادى وسمعنا احلى حداد
@omar201098 ارتفاع عدد الشهداء ولسه المسلسلات والبرامج التافهه بتتعرض ولسه الاعلام بيستعبط !
@AhlwayaAnaMot طلب الحداد من القنوات دى زى بالظبط لما تطلب من الرقاصة انها تتحجب وهى بترقص بذمتكم عمركم شوفتوا رقاصة محجبة
@adilovic4a للاسف نحن نعيش في دولة الإعلانات والمسلسلات التافهة ولازم قرار جمهوري باعلان الحداد احتراما لشهدائنا الابرار.
@shorouk_elhora جايبين العزا في الشريط لا والله اقنعتوني
@deaashabana مش بالشريط الاسود وحده يكون الحداد يا فشله
@AmrAli_88 شرايط سوده ؟! هو ده الحداد ؟! هو ده تمنهم ؟!
@shreif_alhawary مفيش غير توفيق عكاشة بيلطم من ساعتين عالفراعين بيتكلم عالحادث . . والله محترم
@eltayeb_kenawy دم من استشهد وهو يحمى حدود وطنه اغلى من مكاسب الاعلانات ..خلو عندكم شوية وطنية الدم ده مات عشان احنا نبقى آمنيين
@romagaber2 الحمد لله قناه النهار نزلت النعي والحداد لا والله هو كده وبس طيب خلي حزننا في قلبنا علشان منغلطش
@IloveSisi1 التليفزيون المصري يؤجل عرض المسلسلات لحين انتهاء فترة الحداد وقنوات يناير جايبه رقص
@samahmoheb سؤال لما يطلق عليهم اعلامين هل الدماء التى تسير فى عروقكم ليست دماء مصرية كما التى كانت تسير فى عروق الشهداء؟؟؟
@islamnazir خايفين يشوه صورته حتى مفيش خبر بكره تروح دفعه جديده من العساكر عادى
@loukkalolo ما تبحث عنه القنوات الحكومية والخاصة هو تجميع ما تم صرفه فى شراء المسلسلات ولكن دماء الشهداء لا تساوى!!!
@al_bigal يبدو إن القنوات دي مش مصرية !!! إغلقوا قنوات الخيانة.
@midoelherk ده انتوا قنوات عهر غير عادية قنوات عهر متمكنة قدوة فى العهر الاعلامى
@mn000025 قنوات رجال الاعمال اللى ضيعة مصر ومعندهمش وقت للحداد ولسة بيجمعوا الاموال على قفا الشعب الغلبان !
@MayaMorsi جنودنا الشهداء اهم عندنا من المسخرة والمسلسلات ... حد يعلمهم يعني ايه الشعب المصري حزين وموجوع
@shahrzad2002 وﻻ اى تغطية من اى نوع للحادث وكانهم فراخ اللى ماتوا.. ايه يامصريين..مابقاش فى دم خالص
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
