قام الشيخ الشيخ ابواسلام صاحب قناة الامة بوصف الإعلامي باسم يوسف بإنة مغري أكثر من ليلى علوي وأنه يجب عليه ارتداء النقاب وذلك في هجومه شنه عليه بانتقاد الشيخ خالد عبدالله والشيخ محمود شعبان في الحلقات الاخيرة من برنامجه “البرنامج” فقال: “ انت شكلك قمر وفيه تحريم اننا نبص عليك واقسم بالله انت فى شرع ربنا لازم تلبس نقاب ومافيش فرق بينك وبين ليلى علوى او الهام شاهين ومغرى زيهم ”. ولاقى هذا الفيديو العديد من التعليقات:
@YahiaALsafty اذا كان باسم يوسف مغري مثل ليلى علوي كما يقول الشيخ ابو اسلام فالشيخ ابو اسلام نفسة مقزز مثل عزة الجرف ام ايمن
@kindhoopoe الشيخ ابو اسلام يثيره باسم يوسف ... ويصفه بانه حليوه واكثر اثارة من ليلى علوي ويدعوه لارتداء النقاب ... "يارب .. يا تشفيه .. يا تاخده" ...!!
- كتك القرف اسلامنا برئ من امثالك حسبي الله ونعم الوكيل وانتا اللي جبتوا لنفسك من اللي باسم هايعمله فيك الحلقه الجاية باسم دا اشرف منك مليووون مرة مابيدعيش انه شيخ ولا داعية بس بيكشفكوا علي حقيقتكوا انتا واللي زيك
- الصراحه باسم يوسف تعدي الخط الاحمر المره اللي فاتت و زودها اوي مع الرئيس مهما كان ده الرئيس برضه رمز للدوله
- شيخ دة و لا عربجى على ناصية الحارة . حا تهزق نفسك يا عم الشيخ و حا تشيل نقد مش حا يعجبك طالما انت شيخ عاوز تعمل فيها صايع يبقى استحمل النقد الى حا يرف فوق دماغك
- دا مش باسم يوسف لوحده بس اللى مضحك ما شيوخنا عاملين شغل جاامد أهوه اتخانئوا انتم واحنا هنسيب السياسه ونتفرج عليكم
- حسبي الله و نعم الوكيل فيك.. إنتم فعلاً أعداء الإسلام.. أنتم أسوأ أمثال للإسلام.. حسبي الله و نعم الوكيل فيكوا كللوكوا.. إنتوا ربنا مش بس هيحاسبكوا على الإسلاء للإسلام، و كمان على كل واحد ترك الدين بسببكوا! منكوا لله و حسبي الله و نعم الوكيل فيكوا!!
- باسم يوسف يستاهل اكتر من كده لكن احنا نخلينا احسن منه واكثر خلقا منه تأسيا برسولنا الكريم
- حد قال له انك واااااااطي أنا حايشه نفسي بالعافية أطلق عليك باقي الشتايم ولو انها مش هاتفرق يعني يا واد يا مودب!
- أشكك في رجولية هذا الشخص كونه يرى باسم أحلى من ليلى علوي!
- ده اسلوب يا شيخ يامن تقول قال الله وقال الرسول طيب اتق الله ان كان هذا الانسان وقح مثلا فاتق الله انت فعلا كل اناء بالذى فيه ينضح .. هو يمثل صوره معينه باسلوب سىء تكون مثله الله يهديك ويهديه ويهدينا جميعا
- استغفر الله العظيم. انا مطحونة عنصرية فالبلد اللي فيها عشان الناس اللي زي الراجل ده. عيب عليك الإسلام أرق من كده بكتير. معلش.
- لا حول و لا قوة الا بالله . . . حسبي الله عليكم يا متاجرين بالدين هذه احاديث غير صحيحه يا رجل ، المسلم من سلم الناس من لسانه و يده و انت (( تردددح )) ببلطجه و تفاخر بالمزيد !! اللهم لا تحاسبنا بما فعل السفهاء
- ياسيدنا برجاء اعمل اللي انت عليزه بس احلق ذقنك حتى لا يكون ما تقوله او تفعلة باسم الاسلام
- في فرق كبير جدا فى المستوى الفكرى دة مجرد دقن منفسنة عالاخر جاهل بلحية والمصيبة الكبيرة ان فى ناس بتسمعلة و بتقول الله ياشيخنا ايوة كدة!!!!! المشكله مش فية المشكلة فى اللى طلقينة علينا اللهم لا أسألك رد القضاء
- انا حاسس إن الناس دى جايبه دين تانى أخترعوه بعقولهم المشوهة بعد الاسلام ؟؟ هما تقريبا عندهم نفس النصوص اللى عندنا فى الإسلام بس هما عندهم معانى تانية خالص أبعد ما تكون عن الاسلام
- انا مش شيخ انا كاتب صحفي و احنا العلماء يا راجل حدد موقفك
- أيضاً الإسلام مش هبل وجُبن وخوف في الإسلام يُعطى كُلّ ذي حقٍّ حقه ومن اعتدى يُردّ عليه اعتداؤه وباسم يوسف اعتدى على الكثيرين بطريقة مباشرة وغير مباشرة
- بيستدل بالآيات في غير موضعها .. وبيقول دي شتيمة من ربنا كويس انك قلت انك مش شيخ لأنك بتقول كلام يودي في داهية أستغفر الله العظيم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
