علق العديد من المغردين المصريين على موضوع اجتياح اسراب الجراد لمصربعد السودان ووصولها حتى العاصمة المصرية القاهرة بالملايين بالعديد من التعليقات التي لم يخلو بعضها من الفكاهة، ونظراً لما تشهده مصر في ظل حكم الرئيس الحالي محمد مرسي والاخوان الملسمون استطاع المصريون ان يجعلوا تعليقهم على موضوع الجراد مزيجاً ما بين السياسة والفكاهة:
@amenakhidr الجراد راح المقطم عند المرشد و راح التجمع عند مرسي لسه القمل و الدم و الضفادع
@gamaleldintaha لماذ إتجه الجراد للتجمع الخامس مقر إقامة الرئيس.والمقطم مقرالإخوان؟ بس محدش يقول ان دول مركزى النحس والخراب بمصرلأنى لاأؤمن بالتشاؤم والتفاؤل
@AimanHammad خطأ بيولوجي خطير وقع فيه الجراد اثناء هجرته من اجل التكاثر.. فيه حد عايز يتكاثر يعدي على البلد اللي تقطع الخلف دي؟؟
@mohamed_elassy هجوم الجراد على مصر شئ منطقى لتوجيه التحية لتجربة الاخوان..نفس الشكل فى القدرة على الحشد ونفس المضمون فى إحداث الخراب فى أقل وقت ممكن..
@binsaad30 لو هاجم الجراد مصر فى عهد مبارك لقالوا هذا انتقام من اللة ولما هاجم الجراد فى عهد مرسى قالوا المؤمن مصاب
@AmjDMEGA اللي يبص لاسراب الجراد حيلاقيهم منظمين وعندهم قدرة على :) الحشد..و علي فكرة انا مش جرادة بس باحترمهم
@mikaelgamal وزير الزراعة بيقول ان حرق الإطارات سبب ظهور الجراد في المقطم ومدينة نصر.. امال الغاز المسيل والخرطوش هايجيبولنا ايه؟؟ تنانين مجنحة؟؟
@MAFouad_ طيب مش احنا لو ناس بتفهم كنا اصطدنا الجراد دة لما وصل مصر كنا اصطدناه وصدرناه للناس اللي بتاكله؟ بس للاسف ماحدش بيفكر في مصلحة البلد دي
@MamdouhOfArabia أنا مش متذكر خالص إن الجراد وصل القاهرة قبل كده, ولا أنا ذاكرتي بعافية؟ مفيش حقوقيون هيقفوا ضد الإبادة الجماعية للجراد؟
@baleesaed بعد القبض على جرادة من الجراد الجرادة تعترف اخدت 600 جنية من البرادعى لمهاجمة الزراعات فى مصر وحمدين حضر الاتفاق
@M_abd_elkhalek تخيلوا لو ان الجراد راح التحرير...كانت صفحات الاخوان قالت ان ده غضب ربنا على المخربين وكارهى الاسلام..على فكرة هما قالوا انها ظاهرة موسمية.
@asmaaatef90 حبينا الجدل ونسينا العمل.والفساد موهبة والفشل سمة.مات الشباب واتقسمنا لأحزاب.أدمنا التصنيف والعنف والتخريب.قام الجراد قالنا ان دا غضب ربنا.!
@mostafa_shouman الجراد معرفناش نوقفه على الحدود، ايه خطة وزارة الزراعة للتصدي خاصة انه احتمال يروح على الدلتا ؟؟؟
@Oss_au أول مره نشوف سرائب الجراد توصل لحد العاصمة -هل سيحاسب اي مسئول ؟ هل سيتم التحقيق مع المقصرين؟ لا بل تم الاعلان عن فتح باب الترشيح للانتخابات
@medoyousry المفروض كلنا نخرج بلوحات نستقبل الجراد اللى داخل القاهرة ونقوله اللى يحب مصر ما يخربش مصر
@samy_abozid فى ناس عايشة حلم الاخوان بالنهضة والهبل اياه كفاية علينا مع قدومهم كل انواع المصائب والغلاء حتى الجراد مرضيش يكسفهم مش فاضل غير الزلزال
@ahmedgoma3a اعدنا نقول هتحصل ثورة جياع هتحصل ثورة جياع اهو الجراد هجم علينا خلص على المحاصيل الزراعية في الصعيد وداخل على محاصيل الدلتا,وماذنب النباتات!
@A7mee3d وزير الجراد: سنحاول القضاء على الزراعة في القاهرة فجر الاثنين
@EliproSasa اتصورتوا مع الدبابه اتصورت وانت عامل عصيان الحق اتصور مع الجراد علشان البوم حياتك يكمل
@gergeess1 حكومة عاجزة عن حل ازمة الجراد ازاي هتحل ازمة الاقتصاد والأمن
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
