أثار ضعف إقبال المصريين على الانتخابات الرئاسية موجة من السخرية والتهكم في مواقع التواصل الاجتماعي وخصوصا موقع تويتر، وخاصة بعد حالة الهلع التي أصابت الإعلاميين المؤيدين للمشير عبدالفتاح السيسي والتي جعلتهم يفقدون السيطرة بتعليقهم على الموضوع ومن أبرز التعليقات الساخرة في تويتر:
@7aaaaamdy انا عاوز حد يجيلي بالورقة لحد السرير ويكون معاه بيج تيستي كومبو لارج و500 جنيه عشان انتخب وفي الاخر هبطل صوتي. :)
@soha_saman والدولة مش عارفة تعمل أيه للمواطنين الل ما بيطمرش فيهم مواطنين ما يملاش عنيهم غير التراب
@Fheed__Alhtlany الأنتخابات المصرية مقياس نجاحها هي نسبه المصوتين وليس حجم الفوز و عندما يمتنع شعب مصر عن الذهاب لصناديق الأقتراع تفقد الانتخابات شرعيتها !
@Seham_Ibrahem طب فككو من الغرامة, نتفاوض على خروج معتقل مقابل كل واحد ينزل يصوت
@amagdisaleh - حضرتك روحت انتخبت النهاردة ؟ - ايوة :) - يا فرج الله ممكن تمضيلي عالتي شيرت
@Nadiaglory وزير النقل: عدم تغريم الذين يستقلون المترو والقطارات بدون تذاكر اليوم ... فضائح استجداء وتسول الأصوات بعد ان أعطوا اليوم اجازة
@FinalRule ولما الشعب المصري يتحبس ... عايزين الشعوب الشقيقة تبقى تزوره بعيش وحلاة
@Rizk__ قناة الحياة : سيتم خصم 500 جنية من راتب كل موظف في حالة عدم نزولة الانتخابات حالة هستيريا تجتاح وسائل الاعلام
@Hazem_Sadek سيسي؟ مبحبوش انتخابات؟ مبنتخبش 500 جنيه؟ معيش
@doontb المذيع بيسأل واحد الانتخابات دي أحسن ولا انتخابات الاخوان؟ قالهم الانتخابات دي، التانية كانت زحمة!
@waleed_sayed72 السبب ان اﻻقبال دعيييف لما نادو ع الصعيدى كان ﻻفف العمة على ودنه وماسمعش نادى تانى
@WlldatHeart ونحب نشكر عبد الفتاح السيسي اللي طلع هفلط على الفضائيات وشارك في انحسار شعبيته بشكل ملحوظ
@AnotherMoMo قاعد في كافيه بمنطقة مطاعم مفتوحة حالاً في الميكروفون "إدارة المكان تناشد السادة الرواد التوجه إلى اللجنة الإنتخابية "! هاهاهاهاهاها أحاااا
@ahmedhlmy حزب النور ماشى بمسيرة سيارات كبيرة على شاطىء سيدى بشر وراهم عربية جيش مسلحة مشغلة اغانى .. نبوس ايديكم انزلوا
@Sherifoovich يا جماعة الشعب مش جاهل ولا غبى ومغيب زى مابيقنعوكم هو بس بيستعبط وبيعدى بمزاجه بس وقت الجد بيطلع للسلطة لسانه
@eb_hab محدش بينجرح اوى غير لما يتفكسله فى الانتخابات اوى *broken heart*
@joe_sosta سبحان ربك القادر.. كلنا كنا بنقول السيسي مش هيحتاج يزور نتايج.. دلوقتي الوضع مزري ولو مازورش هيتفضح
@TheBigPharaoh الشعب انتخب الاخوان: شعب جاهل و منساق الشعب انقلب و خلع الاخوان: شعب مصر العظيم الشعب مانزلش الانتخابات: شعب كسلان يستاهل اللى يجرى له.
@Eld0dge عارفين كل ده ليه ؟؟ عشان ماوصيناش السوايسة واعتمدنا إن الدنيا هايصة كده كده
@waelabbas السيسي بياخد اللي محدش خده قبل كده ... اقل اقبال على التصويت
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
