في مصر يدخل نحو 30 صحفيا و23 حركة وحزباً وائتلافاً سياسياً في إضراب عن الطعام اليوم الأحد ولمدة يوم واحد، تضامنا مع معتقلي أحداث العباسية الأخيرة الذين أعلنوا دخولهم في إضراب مفتوح عن الطعام وذلك للمطالبة بإخلاء سبيلهم. وقام المغردون المصريون بإنشاء هاشتاغ #MODhunger عن موضوع الاضراب ما بين المؤيديين له والرافضين لفكرة الاضراب:
@medhatrali ياريت الناس تعرف ان الاضرابات والاعتصامات كانت احد اسباب تحرر الشعوب وابرزها الهند من دول كانت امبراطوريات زى بريطانيا .. كافح
@aly_adel1 هو في أيه يا وديع الرجاله مس عارفه تستحمل يوم من غير أكل و لا أيه
@HalaLoCa متجهه لنقابه الصحفين .. للانضمام للصحفين المضربين عن الطعام للتضامن مع المعتقلين في سجون العسكر
@LA3SAROoOV عمالين يقولوك قبل الاضراب عصاير وفواكه واول ساعه اشرب مش عارف ايه وتانى ساعه كل ابصر ايه ده يبقى اضراب ازى دا كده رجيم
@LaylaAmr ف نفس الوقت وإحنا قاعدين في بيتنا وبناكل وقت مانعوز ويمكن مشغلين التكيف كمان،معتقلين العباسية بدأوا إضرابهم عن الطعام.
@dou7aaaaz يا جدعان اللي عايز يضرب عن الطعام يضرب واللي مش عايز براحته برده بس بلاش ننتقد بعض في كل حاجه كفايه غوغائيه
@lailaelshamy بدأت الإضراب عن الطعام من الساعة الواحدة بتوقيت الكويت12 مصر ولمدة 24 ساعة تضامنا مع مسجونى العسكر، كلنا أسرى فى سجون العسكر
@IBRAHEMDAWOUD اللي ناوي يضرب عن الطعام يخليه فاكر ان الاضراب مش انتحار ...
@f0o0x هل يوجد نص قراني او حديث شريف يحرم الاضراب؟ ولا هجايص واجتهادات شخصية ؟
@RanaAsalous طب أنا عندي سؤال .. هوا الإضراب هيفيد الأسرى ف سجون العسكر إزاي ؟
@Yehia312 الإضراب عن الطعام ده للمعتقلين المفروض احنا دورنا يكون في الشارع ما تسجنوش نفسكو
@Basosy كنت بفكر فحاجات لازم اخلصها تبع الجامعة و لو اضربت مش هعرف اركز بس افتكرت ان فى معتقلين و سايبين جامعاتهم و شغلهم فقررت الاضراب.
@BestofTheWorsti واحد سلفي دخل عندي بيقلي شكلك تعبان! قلتلة مضرب! قلي حرام دا تشبه بصوم اليهود! كنت هضربه لولا ان الإضراب قلب معايا بأخلاق الصائم
@NadaTarek__ مش مقتنعين بالاضراب طبعا حقكم وبراحتكم بس ياريت بلاش تتريقوا وتخدوا الموضوع بتفاهة وتعارضوا لمجرد المعارضه !
@eL_taba3 جميلة فكرة الاضراب عن الطعام للتضامن مع المظلومين.الفكرة تأتي ثمارهابالبلاد المحترمة وفي مصر لسان حال العسكر:اخبطوا راسكم ف الحيط
@mohamednabile4 يا جماعه ده كلو جميل بس لازم يكون فى تحرك خارجى بأى شكل وقفه مسيره ولو حتى توصل لأعتصام مش كول واحد يضرب فى بيتهم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
